O Concello de Rianxo, a través do alcalde Julián Bustelo vén de confirmar que a Dirección Xeral de Enerxías Renovables e Cambio Climático da Xunta, a proposta do Servizo de Litoral, achegou á Administración local autorización para a executar a obra de ampliación da rede municipal de saneamento no lugar de Tronco.
O alcalde valorou o destacado de noticia despois de “moito tempo agardando por ela”. E engadiu: “Así as cousas, axiña poderemos licitar esta importante actuación que conta cun orzamento de 208.785,50€ e permitirá conectar na súa primeira fase á rede municipal 15 vivendas do lugar e o camping”. Trátase dun proxecto destinado a mellorar as infraestruturas locais e dos núcleos do concello mediante unha instalación de bombeo que acabaría beneficiando a dúas ducias de vivendas.
