As Rías Baixas e a área de Santiago de Compostela vivirán este mércores unha xornada marcada pola inestabilidade tras o paso dunha fronte durante a madrugada.
A entrada de aire frío en altura favorecerá a formación de chuvascos treboentos, que serán máis intensos e probables durante a mañá, especialmente no litoral das Rías Baixas e na contorna compostelá. Co avance da tarde, a situación tenderá a mellorar progresivamente, con precipitacións máis dispersas e apertura de claros.
No que respecta ás temperaturas, agárdase un lixeiro a moderado descenso, tanto nas mínimas como nas máximas, deixando un ambiente máis fresco que en días anteriores.
O vento soprará do suroeste, con intensidade moderada no litoral das Rías Baixas, onde poderá sentirse con máis forza, e frouxo no interior, incluída a comarca de Santiago.
O noso mar: Vento do sudoeste á mañá, do sudoeste á tarde e variable á noite, forza 3 a 4 á mañá e 1 a 3 á tarde e á noite. Marusía á mañá e mar ovellado á tarde e á noite. Visibilidade boa. Mar de fondo do oeste, con ondas de 4 a 4.5 metros á mañá, 3.5 a 4 metros á tarde e 3 a 4 metros á noite.
