O Concello de Dodro descubriu este pasado domingo 22 de febreiro un furto de cable na pista que transcorre paralela á estrada AC- 305. As sospeitas apuntan a que o roubo cometeuse na noite do sábado de piñata xa que o venres pasado as luminarias funcionaban. Foron varios os veciños que o domingo decatáronse da falta de iluminación.
Os ladróns levaron 600 metros de cable recentemente colocado. Fontes do Concello explicaron que “este cable puxérase para iluminar unha zona moi transitada por veciños e veciñas que saen a camiñar habitualmente”.
O Concello anunciou que elaborara no seu día este proxecto por esta mesma razón polo que o roubo, máis alá do custo económico, “prexudica de xeito directo á veciñanza da zona”.
Dende o Consistorio engadiron que “amais do cable hai que dicir que os ladróns rebentaron as arquetas para cortar e retirar o cable”. O roubo súmase a outros cometidos na mesma pista e tamén de cable municipal. Un dos roubos produciuse hai uns meses nun tramo da aldea de Lestrobe, no que se levaron tamén mobiliario na mesma senda.
O roubo foi denunciado a Garda Civil no Cuartel de Padrón. A benemérita achegouse no mesmo domingo a inspeccionar a zona e segue coas pescudas.
