A comunidade universitaria da Universidade de Santiago de Compostela votará este xoves 12 de febreiro, entre as 9.00 e as 18.00 horas por vía electrónica, á primeira reitora da súa historia. As catro candidatas son as profesoras Rosa Crujeiras (natural de Artes en Ribeira), Maite Flores, María José López Couso e Alba Nogueira, que competirán por dirixir a institución durante os próximos seis anos.
Cuatro candidatas para marcar época
Na mesma xornada electoral elixiranse tamén os representantes no Claustro universitario, nas Xuntas de Centro e nos Consellos de Departamento. A votación electrónica garante a participación de profesorado, alumnado, persoal de administración e servizos e outros sectores da comunidade universitaria.
Transparencia e avances en tempo real
A USC ofrecerá avances de participación ás 12.00 e ás 16.00 horas nun web habilitado para garantir a transparencia do proceso. Os resultados definitivos poderán consultarse unha vez finalizado o escrutinio, mentres que calquera incidencia poderá comunicarse ao correo evoto@usc.es.
Calendario posterior á xornada do 12
A proclamación provisional de electos realizarase o 13 de febreiro, con prazo de recursos do 18 ao 24. Se ningunha candidata obtén maioría absoluta o 12, haberá segunda volta con campaña do 27 de febreiro ao 9 de marzo, votacións o 11 e proclamación definitiva o 23 de marzo. Toda a información detallada está dispoñible no web de participación e procesos electorais da USC.
