Rianxo será unha das sedes do IV Seminario Intensivo de Defensa Persoal Feminina que organiza a Sección de Deportes da Deputación da Coruña.
Será o 14 de marzo no Pavillón Municipal José Manuel Abuín “Chema”.
Poderán participar como máximo 75 persoas.
Xa se pode formalizar a inscrición a través da web da Deputación.
Os seminarios diríxense a mulleres de idades comprendidas entre os 12 e os 75 anos empadroadas en calquera dos concellos da provincia da Coruña. Cada obradoiro durará tres horas, contará cun máximo de 75 participantes e será gratuíto para as asistentes. As sedes desta IV edición son Cariño, Bergondo, Camariñas, Cambre, Padrón, Rianxo, Santiago de Compostela e Narón.
