O Concello de Dodro informou que vai comezar a distribuír entre a veciñanza e as entidades municipais o calendario institucional do ano 2026 durante a segunda quincena do mes de xaneiro.
Logo dos traballos de deseño e edición e das correspondentes revisións, o material gráfico atópase no seu proceso de produción, sinalaron dende o Consistorio, engadindo que tan axiña como a empresa responsábel das tarefas deposite nas instalacións municipais o conxunto de exemplares da publicación o Concello de Dodro comunicará á poboación, a través das redes sociais e lista de difusión de Whatsapp , que xa se poden obter os calendarios nos distintos servizos municipais (Casa do Concello, Casa da Cultura, Departamento de Servizos Sociais e Departamento de Deportes).
