Chispetrén, Cámping Ría de Arousa e Somni levan a XIII Regata Gadis en Riveira

20190713.- Saída puntual da XIII Regata Gadis que organizou o Club Náutico Deportivo de Riveira, cun trazado costeiro de 11,20 millas e unha intensidade media no vento de 15 nós. Finalmente o Comité da regata elixiu o numeral 12, un percorrido de travesía que, saíndo desde as inmediacións do porto deportivo levaría aos veleiros ata Sinal do Castro, Isla de Rúa e Baliza do Ter, todas elas tomadas por Babor, ata alcanzar a liña de chegada, de novo en Riveira. Cun suroeste que portaba 15 nós estables, con puntas de 20, aínda que rolando algo ao noroeste, a proba transcorreu de maneira rápida, sendo o Chispetrén, de Jesús Iglesias, do Club Náutico de Rianxo, o primeiro en atravesala, investindo un tempo de 2 horas 13 minutos e 47 segundos. O veleiro de Iglesias alzábase desta maneira co triunfo na Clase Regata. Segundo era o Ziralla Primeiro, de Ramón Barreiro, do Real Club Náutico de Sanxenxo. E terceiro o Moucho, de Daniel Ayaso, do Club Náutico Deportivo de Riveira. En Regata/Cruceiro facíase co Trofeo Gadis o Cámping Ría de Arousa, de José Manuel Pombar, do Club Náutico de Boiro. A posto prata adxudicáballo o Santiago Roma Rías Baixas, de Iñaki Carbajo, do Club Náutico de Beluso, sendo o bronce para o Sempre Volve, de Luimi González, do Club Náutico Pobra. Na Clase Cruceiro vencía o Somni, do Helmut Bande, do Club Náutico Deportivo de Riveira. O segundo lugar da táboa era para o Piko Norte, de José Manuel Castro, do Club Náutico de Boiro. E a terceira praza era para o Arousa VI, de José Luís Torres Colomer, do Náutico de Riveira. A entrega de premios celebrouse ás seis e media da tarde, contando coa presenza do presidente de club organizador, José Luís Torres Colomer, así como da do Tenente de Alcalde de Riveira, Ramón Doval, e o Delegado de Gadis na localidade, Luís Vázquez.

• Copiar