O sábado 13 de decembro, ás 19:00 horas, a Casa da Cultura de Outes (ao abeiro do ciclo Outes á Escena) vai acoller a representación de Compaña, de Xampatito Tato. Segundo explica o Concello, trátase dunha obra para público infantil e familiar (maiores de 3 anos). As entradas poden retirarse na páxina Bandoticket.com, ou, a partir deste luns, na Casa da Cultura de Outes. Esta obra está incluída no Bono Miúdo.
Sinopse
Un personaxe solitario en busca de compañía explora a súa imaxinación para dar vida a cada un dos seus pensamentos. A través deste proceso, logra sentirse acompañado e leva ao público por un camiño cheo de sorpresas e risas.
Compaña é un espectáculo onde se fusiona o circo co mundo das marionetas, creando imaxes e escenas que transportan ao espectador a un mundo surrealista e onírico.
