A Asociación de Veciños do Araño (Rianxo) organiza unha nova edición da súa Muiñada, cuarta edición, con epicentro no núcleo de Buía. Será este 22 de novembro, sábado, dende a mañá. Trátase, en palabras da organización, dunha xornada para coñecer mellor o noso entorno, o noso pasado e as nosas tradicións. Haberá unha excursión a pé polos muíños de Buía (a partir das 10.30 horas dende os muíños do Cubo da Ermida, con visita aos de Quintáns, Veiga e Lemos), e farase unha demostración da moenda tradicional. O programa tamén inclúe xogos tradicionais e petiscos e música da terra con Aires do Arghaso. Trátase dunha actividade aberta a todos os públicos. Organiza: Asociación de Veciños do Araño
