Este venres14, San Serapio, as rias baixas e a comarca manteranse baixo a influencia das baixas presións atlánticas, o que deixará unha xornada marcada pola inestabilidade.
Agárdanse intervalos nubrados e chuvascos, que poderán ser localmente treboentos, especialmente nas comarcas situadas máis ao oeste. As temperaturas experimentarán un lixeiro descenso, tanto nas máximas como nas mínimas.
O vento soprará de compoñente sur, moderado en xeral, aínda que poderá alcanzar fortes refachos no litoral e en zonas altas, onde a sensación térmica será máis baixa.
O noso mar: Vento do sur, forza 5 a 7 á mañá e á tarde e 6 a 7 á noite. Media vaga. Visibilidade regular. Mar de fondo do noroeste, con ondas de 0.5 a 1.5 metros.
