O alcalde do Concello de Outes, Francisco Calo, agradeceu á Xunta de Galicia, en concreto á Consellería de Vivenda e Planificación de Infraestruturas, a súa predisposición para levar a cabo unha actuación que permita mellorar o firme da estrada AC-196 ao seu paso polos núcleos de Seilán e Ponte Nafonso.
Calo visitou a zona nas que levaron a cabo actuacións coma a mellora do firme para garantir unha maior seguridade viaria para os condutores.
“Estamos a falar dunha demanda que ven de lonxe. Unha demanda veciñal que a que agora poderemos dar resposta despois de que a Xunta confirmase que levará a cabo os traballo necesarios para mellorar o firme”, apuntou o alcalde de Outes.
Nesta liña, Calo asegurou que o Goberno municipal que encabeza “seguirá traballando para conseguir a colaboración de todas as institucións –nacionais, autonómicas e provinciais-, co fin de lograr que o concello se poida beneficiar de actuacións que melloren a vida da veciñanza”.
“Imos pelexar por todos e cada un dos euros que poidamos conseguir para Outes porque é a única forma de que poidamos sacar adiante proxectos que son importantes para o futuro”, concluíu Calo.
