O Concello de Rianxo ten previsto poñer en marcha unha repartición masiva de máscaras entre a poboación. A intención é distribuír un total de 10.000 unidades directamente nos domicilios particulares dos veciños e nos establecementos comerciais que están abertos ao público. Esta repartición súmase ao realizado a semana pasada, cando se fixo chegar ás cinco farmacias radicadas no municipio 1.250 máscaras para a súa entrega, preferentemente, aos veciños de máis de 60 anos, por tratarse dun colectivo máis vulnerable.
