O Concello de Rianxo adxudicou a obra de renovación completa do firme da vía de acceso ao Montiño dende a DP-7203, na parroquia de Taragoña.
O proxecto inclúe a limpeza previa de toda a superficie afectada, o rebaixe do pavimento actual diante da vivendas onde a pista queda á mesma cota que a parcela, a reparación previa de fochancas nos puntos máis deteriorados na actualidade, instalación de novos imbornais e sumidoiros que evacúen a auga a través da rede existente, así como a aplicación, ao remate de todo o anterior, dunha mestura de aglomerado asfáltico aplicado en quente cunha media de 6 centímetros de espesura.
As obras contan cun orzamento de 102.952,85 € serán executadas pola empresa Nemesio Ordóñez S.A.
