Este mércores 15, Santa Teresa de Xesús, continuará a mesma situación atmosférica en Galicia, coa presenza dun anticiclón situado ó norte, centrado nas Illas Británicas, e con aire frío en altura. Esta configuración deixará un día maiormente estable, aínda que con algunhas variacións locais.
A primeiras horas da mañá agárdanse néboas nas comarcas do interior, que se disiparán co paso das horas, dando paso a ceos moi abertos con nubes de tipo alto.
As temperaturas mínimas subirán lixeiramente, mentres que as máximas se manterán sen grandes cambios/25-27 graos máximas). Os ventos soprarán de leste-nordés, en xeral frouxos, aínda que moderados no litoral norte, e de oeste-noroeste nas Rías Baixas.
O noso mar: Vento variable á mañá, do noroeste á tarde e do oeste á noite, forza 1 a 2. Mar rizado. Visibilidade boa á mañá e á tarde e regular á noite. Mar de fondo do noroeste, con ondas de 1 a 1.5 metros á mañá e á noite e 0.5 a 1.5 metros á tarde.
