O Concello de Porto do Son, en colaboración con Soom Management, pon en marcha a iniciativa “Sábados en familia”, unha proposta pensada para que as familias poidan desfrutar xuntas dunha xornada lúdica e refrescante na piscina municipal.
Cada sábado, os asistentes dispoñerán de material de ocio acuático como canastas, colchóns inchables, flotadores e moito máis, todo baixo a supervisión do persoal socorrista. A actividade está deseñada para fomentar a convivencia e o lecer compartido nun espazo seguro.
A organización lembra que:
- Todas as actividades estarán baixo o criterio do socorrista.
- Os nenos e nenas menores de 10 anos deberán estar sempre acompañados/as por unha persoa adulta e non poden quedar sós na instalación. É obrigatorio que permanezan no mesmo vaso da piscina que os seus acompañantes.
Con esta proposta, Porto do Son continúa apostando por un modelo de ocio familiar, inclusivo e saudable, poñendo en valor os seus espazos públicos como lugar de encontro e benestar comunitario.
