A axenda teatral Outes á Escena achega dezasete espectáculos para todos públicos dende setembro até o mes de febreiro, da man da Área de Cultura do Concello.
En concreto, o programa inclúe espectáculos de artes escénicas durante as fins de semana dos meses de setembro, outubro, novembro, decembro, xaneiro e febreiro. Representaranse no auditorio da Casa da Cultural. Serán en total dezasete espectáculos teatrais para todos os públicos.
Este sábado 11 de outubro, sen ir máis lonxe, a axenda trae a Outes a peza Tavole, de Zirko Txosko, ás 19 horas (público infantil e familiar)
En outubro, a axenda prosegue e con Zozobra (o 19 de outubro ás 20.00 horas, a cargo de Roca Producións) e con As Gardiás, de Teatro de Ningures, a partir das 20.00 horas. En novembro retómase a actividade con Kyoki de Elefante Elegante, o día 1 ás 19.00 horas.
A axenda prosegue con As fillas bravas de Momán, de Chévere, o 8 de novembro ás 20h; con As que limpan, de A Panadaría, o 15 de novembro ás 20h; con Retrincos de Castelao, de Artefeito Producións, o 22 de novembro ás 20h; e con Profetas, de Ítaca Teatro, o 29, ás 20h.
