A Asociación de Veciños do Araño (Rianxo) organiza unha nova edición da Andaina ao Pozo Bastón. Será o vindeiro domingo 5 de outubro.
A saída está programada para as 9:00 horas dende o Hórreo do Araño.
Será, en palabras da veciñanza do Araño, “unha cita coa natureza, lenda e patrimonio da parroquia”.
Inclúe unha distancia a percorrer de 12 km entre hórreos, pazos, cruceiros, o camiño real, muíños, río… e castiñeiros no seu mellor momento.
Cómpre levar calzado cómodo e segundo recomendan dende a organización, cámara de fotos ou móbil con cámara (cada paso é unha postal).
Para quen non o saiba, o Pozo Bastón é unha fervenza do reto Treito, afluente do Te, na aldea da Ferrería, no Araño.
