Este domingo 28 de setembro toca poñernos as botas de camiñar, con motivo da celebración da quinta edición da Andaina Solidaria JEALSA. Será a partir das 10.00 horas con saída dende a praza de Galicia e en beneficio da Fundación Stop Leucemia. Será unha camiñada solidaria pero tamén pet friendly, polo que as persoas que queiran participar poderán facelo na compaña das súas mascotas. A doazón será de seis euros e o percorrido terá unha distancia de dez quilómetros. A andaina está impulsada pola conserveira boirense JEALSA. As inscricións poden facerse de maneira presencial nas oficinas da empresa en Boiro (entrada pola rúa de JEALFER) en horario de mañá ou a través da web Emesports.
Na anterior edición contouse coa participación dun milleiro de participantes, entre camiñantes e ciclistas solidarias/os.
O recadado na andaina do ano pasado foi dar tamén á oficina compostelá da organización Stop Leucemia (para investigar na loita contra esta doenza poñendo o foco nos novos avances tecnolóxicos). O percorrido, accesíbel e doado de camiñar, foi de dez quilómetros.
