A céntrica praza de Galicia en Boiro vai dar acollida este venres 26 de setembro a un espectáculo de contacontos para bebés: Chegados a este punto. A cita dará comezo ás 18.00 horas. Trátase dunha actividade de lecer e de estimulación para nenas e nenos de idades comprendidas entre os 0 e os 3 anos.
As entradas estarán á venda a partir das 17.00 horas no Centro Social.
O espectáculo vén da man de Erica González e é unha produción de O Titiribaile.
Historia do espectáculo
Era o verán de 2008 cando arrincaba este conto, un conto polo momento sen final.
Erica González Miguel, con moitas ganas por meterse de cheo no mundo do teatro, a fantasía e os contos decide montar esta compañía, O Titiribaile. Nese momento pon a toda a súa familia a axudala. Así é como ao pouco empeza a crearse esta empresa e é entón cando Erica dáse conta que os soños, poden facerse realidade.
A idea do nome xorde dun xogo que o seu avó materno facíalles de pequenos: collían a mapoula antes de florecer e dicían: monxa, frade ó titiribaile! e os nenos debían de acertar a cor que ía saír sendo estes vermello, branco ou rosa.
Esta pequena compañía na actualidade conta con varios guións e con material técnico suficiente para espectáculos de pequeno formato.
