Continuaremos este venres, San Xenaro, baixo a influencia das altas presións, aínda que con entrada de aire frío en altura, o que deixará unha xornada de ceos alternando nubes e claros.
Na metade interior da Comunidade agárdanse chuvascos ocasionais, que poderán ser localmente treboentos, mentres que no resto o tempo será máis estable.
As temperaturas mínimas rexistrarán un lixeiro ascenso, mentres que as máximas descenderán respecto ás da xornada anterior.
Os ventos soprarán de dirección variable pola mañá, para pasar a suroeste a partir do mediodía.
Fin de semana con chuvascos na comarca e caída da temperatura
O noso mar; Vento variable á mañá e do sur á tarde e á noite, forza 1 a 2 á mañá e á tarde e 2 a 3 á noite. Mar rizado á mañá e á tarde e mar ovellado á noite. Visibilidade regular á mañá e á noite e boa á tarde. Mar de fondo do noroeste, con ondas de 0.5 a 1.5 metros á mañá e á tarde e 0.5 a 1 metros á noite.
