A xornada do xoves estará marcada en Galicia pola continuidade da influencia anticiclónica, que deixará tempo seco e ceos maiormente despexados, con presenza de nubes altas en determinados momentos.
No litoral norte poderán aparecer brétemas costeiras, mentres que no interior da provincia de Lugo non se descartan néboas matinais.
As temperaturas experimentarán un ascenso lixeiro a moderado, favorecendo unha sensación máis suave en boa parte do territorio.(30 graos)
En canto ao vento, soprarán frouxos e de dirección variable ao longo do día.
O noso mar: Vento variable á mañá, do noroeste á tarde e do norte á noite, forza 1 a 2 á mañá e 2 a 3 á tarde e á noite. Mar rizado á mañá e mar ovellado á tarde e á noite. Visibilidade boa. Mar de fondo do noroeste, con ondas de 1 a 2 metros.
