O Concello de Outes compartiu o calendario das escolas deportivas locais, organizadas en colaboración coas diferentes entidades deportivas municipais e dirixidas a incrementar a calidade de vida, a saúde e a autonomía da veciñanza. A axenda inclúe escolas de atletismo (da man do Club de Atletismo de Outes, no Pavillón Municipal do Conchido, os luns e xoves pola tarde), de baloncesto (impartida polo Club Baloncesto Outes, no Pavillón do Conchido, os martes, xoves e venres), de bádminton (da man da Agrupación Xogando, no Conchido os luns e mércores), de fútbol (da man do Club Outes Fútbol, no Conchido de luns a venres), de futbolín (da man do Club Futbolín Riola, nos pavillóns da Serra e Roo), de triatlón (da man da Escola Triatlón Outes na piscina e instalacións de Pontenafonso, de martes a sábado), de piragüismo (da man da Escola Piragüismo e Triatlón Outes, nas instalacións de Pontenafonso), de tenis (da man do Club de Tenis Porto Siavo, no Conchido os martes e xoves), de tenis de mesa (da man do Concello de Outes no Conchido, os martes e os xoves) e de deportes de raqueta (impartido polo Concello de Outes, no Conchido, os martes e xoves).
