Galicia afronta este martes unha nova xornada marcada polo dominio das altas presións, o que traerá tempo estable en practicamente todo o territorio.
Durante as primeiras horas do día rexistraranse néboas nas comarcas do interior e nubes baixas no litoral noroeste. Con todo, estas formacións iranse disipando a medida que avance a mañá, deixando paso a ceos moi despexados en conxunto.
As temperaturas experimentarán un lixeiro ascenso, tanto nas máximas como nas mínimas, o que contribuirá a unha sensación máis agradable( 26-30 graos). Pola súa parte, os ventos soprarán frouxos de compoñente norte, sen provocar incidencia destacable.
O noso mar:Vento do norte á mañá e á noite e do norte á tarde, forza 2 a 3 á mañá e á noite e 3 a 4 á tarde. Mar ovellado á mañá e á noite e marusía á tarde. Visibilidade boa. Mar de fondo do noroeste, con ondas de 1 a 1.5 metros á mañá e á tarde e 1.5 a 2 metros á noite.
