Este sábado 20 de setembro dá comezo a edición 2025 das Festas da Valvanera, na parroquia de Nebra (Porto do Son). As celebracións, que durarán até o martes 23, arrincarán a primeira hora do sábado coa saída das imaxes de cada parroquia do concello cara a Nebra e co seu encontro coa Virxe no empalme de Nebra. Ás 12.00 será a misa solemne no Campo da Festa e ás 13.00 horas haberá unha sesión vermú coa Banda de Música de Caamaño e con San da Ría. Logo será a quenda dunha gran exaltación de polbo, churrasco e carne ao caldeiro. Ás 18.00 horas está prevista unha foliada con diversos grupos do Barbanza e ao remate haberá unha foliada libre.
O domingo, día adicado á Virxe das Dores, arrincará cunha misa solemne ás 13.00 horas e proseguirá cunha sesión vermú co Trío Arena. Pola noite será a quenda da verbena co Trío Arena.
O luns. xornada dedicada a San Antón, comezará cunha misa solemne ás 12.00 horas e continuará cunha sesión vermú cantada ao remate da misa. Pola noite haberá verbena con Los Satélites.
O martes estará adicado á Nosa Señora de Valvanera. Haberá misas ás 9.00, ás 10.00, ás 11.00 e ás 20.00 horas. O oficio solemne está programado para as 12h. Ás 14h comezará unha sesión vermú co Grupo Alcázar, que repetirá pola noite, a partir das 22h, na quenda da verbena.
Organiza a Comisión de Festas e colabora o Concello de Porto do Son.
