Galicia vivirá este domingo 7, unha xornada de transición tras o paso da fronte durante a madrugada. Os ceos amencerán cubertos, con chuvascos que irán remitindo co avance da mañá.
A partir do mediodía abriranse grandes claros, aínda que non se descarta algún chuvasco illado e ocasional no terzo norte da comunidade.
As temperaturas mínimas manteranse sen cambios salientables, mentres que as máximas descenderán de maneira moderada(21-22 graos). O vento soprará frouxo de compoñente oeste, con intervalos de moderado no litoral norte.
O noso mar: Vento do oeste á mañá e á tarde e do norte á noite, forza 1 a 3 á mañá, 2 a 3 á tarde e 1 a 2 á noite. Mar rizado á mañá e á noite e mar ovellado á tarde. Visibilidade regular á mañá e á noite e boa á tarde. Mar de fondo do noroeste, con ondas de 1.5 a 2.5 metros á mañá e 2 a 3 metros á tarde e á noite.
