A localidade boirense de Cabo de Cruz viviu unha tráxica xornada coa morte dun bateeiro que fora dado por desaparecido a última hora da tarde. O corpo do home apareceu aboiando preto dunha batea fronte á praia de Carragueiros, onde permanecía amarrada a súa planadora.
A alerta inicial chegaba ao 112 Galicia a través dun particular que avisou da presenza da embarcación sen ninguén a bordo. De inmediato púxose en marcha un amplo dispositivo de busca no que participaron Salvamento Marítimo —coa mobilización dunha embarcación e do helicóptero Helimer 401—, o Servizo de Gardacostas de Galicia, a Garda Civil e a Policía Local.
Á procura sumáronse tamén cinco barcos bateeiros da confraría de Cabo de Cruz. Finalmente, sobre as once da noite, unha das embarcacións do operativo oficial localizou o corpo sen vida do mariñeiro nunha zona próxima á batea.
O cadáver foi trasladado ao peirao de Cabo de Cruz e posteriormente derivado ao Instituto de Medicina Legal de Galicia (Imelga), onde se lle practicará a autopsia para esclarecer as causas,
