O Concello de Boiro colabora co Club de Piragüismo Rías Baixas e a Federación Galega de Piragüismo para a celebración do Campionato Galego de Barco Dragón, que terá lugar o sábado 23 de agosto en praia Xardín. O concelleiro de Deportes, Marcos Fajardo, participou na presentación da proba xunto con Sergio Pérez e Luis Ourille.
Trátase dunha proba de 2.000 metros que forma parte da Liga Galega de Barco Dragón.
Comezará a partir das 15.00 horas e disputarase nun circuíto de 500 metros paralelo á praia. “Vai ser unha proba moi vistosa na que van participan clubs galegos que practican esta especialidade, unha disciplina que está a medrar moito nos últimos anos”, afirmou Sergio Pérez.
Está prevista a participación de 200 deportistas entre sénior e veteranos en 30 embarcacións de 12 padexeiros e 6 de 21 padexeiros. O concelleiro de deportes, Marcos Fajardo, deulle os parabéns ao club polos éxitos que está a colleitar nesta modalidade e convidou á veciñanza a presenciar este “gran espectáculo deportivo como é o Barco Dragón”.
