A Concellería de Festexos do Concello de Ribeira en coordinación coa Comisión de Festas de Ribeira informou este venres dun cambio de última hora relativo á localización da Orquestra New York na noite deste venres 1 de agosto, no marco das Festas do Verán de Ribeira 2025. Así, se ben estaba previsto que actuara na praza de Pontevedra en Bandourrío por motivos do forte vento do nordeste e por recomendacións de seguridade decidiuse trasladalo ao Malecón, comezando o espectáculo de 23:00 a 00:30 h e segundo pase de 01:00 a 02:30 h. O lugar de colocación será ao carón de capitanía, zona de maior abrigo. O Concello de Ribeira agradeceu de antemán a comprensión da cidadanía e pediu desculpas polas molestias que pode provocar o cambio de emprazamento de localización do concerto.
