O I Master Nacional de Futbolín A Riola de Outes arranca este venres 1 de agosto cunha participación de 180 parellas, en palabras da organización (A Riola Futbolín co apoio do Concello) “unha cifra inesperada por ser a súa primeira edición desta cita deportiva e que sitúa esta proba nos primeiros postos a nivel participación dentro da modalidade”. O Master desenvolverase até o domingo.
O torneo arranca este venres ás 22.00 horas coa modalidade de Cegas e cunha inscrición de 5 € por persoa. De cara o sábado están establecidas as modalidades de Parado e Feminino e o domingo a modalidade de Movemento.
A organización do evento agradece “a todos a alta participación e ás casas colaboradoras de toda a comarca que fixeron posible este evento, así como ao propio Concello polas facilidades e apoio que recibiron para o mesmo”.
Máis información a través dos seguintes números: 639 473 933 e 656 652 050.
Con categorías para todos os niveis —Parado, Movemento, Feminino e Cego—, o torneo promete intensas xornadas de competición con premios que superan os 1.200 euros para os campións das categorías elite. Ademais, todos os premios inclúen trofeos, o que engade un valor especial para os gañadores.
