O domingo Galicia estará baixo a influencia dunha fronte pouco activa que traerá consigo un aumento da nubosidade e precipitacións febles tipo orballo, principalmente no litoral atlántico. Estas precipitacións tenderán a diminuír a partir do mediodía na metade oeste da comunidade. Pola contra, na zona leste, os chuvascos serán máis probables durante a tarde e poderán presentarse de xeito ocasional.
As temperaturas mínimas manteranse sen cambios significativos, mentres que as máximas experimentarán un lixeiro descenso. En canto aos ventos, soprarán frouxos de compoñente oeste, virando a norte durante a segunda metade do día.
O noso mar: Vento do sur á mañá, do noroeste á tarde e do norte á noite, forza 3 a 4 á mañá, 2 a 3 á tarde e 2 a 4 á noite. Marusía á mañá e á noite e mar ovellado á tarde. Visibilidade regular. Mar de fondo do noroeste, con ondas de 0 a 1 metros á mañá e á tarde e 0.5 a 1.2 metros á noite.
