Este vindeiro sábado 12 de xullo vaise celebrar no territorio de Porto do Son a primeira edición da Andaina Saudesport Barbanza, baixo o epígrafe Unha subida épica cara ao monte Iroite. A saída está fixada para as 9.30 horas na contorna do Polideportivo de Trapa, na localidade de Portosín. Serán 14 quilómetros de percorrido, con 670 de desnivel positivo. Haberá avituallamentos, sinalización e toda a seguridade organizada por Saúdesport Barbanza co apoio do Concello de Porto do Son. As persoas interesadas en participar poden formalizar a súa inscrición a través do documento habilitado na Rede. A organización informou de que as prazas son limitadas: só 200. O destino será a base militar EVA 10, no monte Iroite.
