O CD Piscina Municipal de Porto do Son acolle esta semana a festa de fin de curso das actividades deportivas desenvolvidas no complexo deportivo. Será unha cita por partida dobre: este martes 24 de xuño pola tarde e este mércores 25 de xuño tamén pola tarde. Na xornada deste martes haberá reos acuáticos e na deste mércores 25 unha festa de inchábeis.
Trátase de actividade en ámbolos casos destinados para a rapazada e en diferentes horarios: de 16.30 a 17.15 para nenas e nenos de entre 4 e 6 anos na modalidade de iniciación, entre as 17.30 e as 18.15 para nenas e nenos de entre 4 e 6 pero nas modalidades de medio e perfeccionamento. Entre as 18.30 e as 19.15 será a quenda da rapazada de idades comprendidas entre os 7 e os 9 anos, e a partir das 19.30 entrarán na piscina os maiores de 10 anos e os da modalidade de natación deportiva. Podemos solicitar información sobre esta festa de fin curso na recepción da piscina ou chamando ao 604051189.
