Este sábado, Galicia quedará situada nunha zona intermedia entre o anticiclón localizado ao leste da Península e unha serie de borrascas atlánticas.
A mañá do sábado comezará con ceos moi nubosos e humidade elevada na franxa costeira, mentres que o interior gozará de ceos máis despexados ao longo do día. A circulación de aire atlántico favorecerá a formación de brétemas nalgúns puntos do litoral e da nosa comarca, especialmente nas primeiras e últimas horas do día.
As temperaturas descenderán de forma moderada, /23-26 garos) Este cambio térmico notarse sobre todo durante a tarde e a noite.
En canto ao vento, soprará frouxo de compoñente oeste pola mañá, para virar progresivamente a compoñente norte co paso das horas.
A xornada presentarase, polo tanto, cunha meteoroloxía variable e típica de transición entre sistemas meteorolóxicos, co protagonismo repartido entre as nubes costeiras e a estabilidade relativa no interior.
O noso mar; Vento variable á mañá, do noroeste á tarde e do norte á noite, forza 1 a 3 á mañá e 2 a 4 á tarde e á noite. Mar ovellado á mañá e á tarde e marusía á noite. Visibilidade regular á mañá, boa á tarde e mala á noite. Mar de fondo do oeste, con ondas de 0 a 1 metros.
