O Concello de Muros entregou este martes 17 de xuño os premios do concurso de carteis Muros mira ao mar, que se celebrará os días 4, 5 e 6 de xullo. Dende o Consistorio destacaron “a calidade dos traballos presentados” polo alumnado da EEI Muros, CEIP Ramón de Artaza e Malvárez, CEIP Louro, CEIP Ricardo Tobío e IES As Insuas, así como os centros e asociacións inclusivas que traballan na contorna muradá: ADISBISMUR, centrada nas persoas con diversidades funcionais, e A Creba, envorcada na saúde mental.
A obra gañadora foi Cando Muros Mira ao Mar, as festas están a chegar, de Raúl Carou Figueiras, Iker Abelleira Vilaboa, Xandre Figueiras Rama e Fernando Figueiras Mayo (IES As Insuas)
Lembramos os resultados por ciclos:
-Educación Infantil: Rexoubeira, de Sabela Rey Lago (CEIP Louro)
-1º ciclo Educación Primaria: Verán, de Claudia Cernadas Olveira e Xián Figueiras Martínez (CEIP Ricardo Tobío)
-2º ciclo Educación Primaria: A cociñeira festeira, de Helena Martínez Fernández (CEIP Ramón de Artaza)
-3º ciclo Educación Primaria: La Vespita, de Álvaro Martínez Fernández (CEIP Ramón de Artaza)
-1º ciclo Educación Secundaria: O faro mira ao mar, de Iria Fernández Vigo, Lara Fernández e Sara Martínez Martínez (IES As Insuas)
-2º ciclo Educación Secundaria: Cando Muros Mira ao Mar, as festas están a chegar, de Raúl Carou Figueiras; Iker Abelleira Vilaboa; Xandre Figueiras Rama, e Fernando Figueiras Mayo (IES As Insuas)
Colectivos que traballan con persoas con diversidade funcional: Onde o mar convida, o sabor conquista, do alumnado de ADISBISMUR.
