Poucos cambios na situación meteorolóxica, con altas presións ao norte da península Ibérica e a presenza de aire cálido en superficie. Así, os ceos estarán xeralmente pouco nubrados ou despexados, con nubes medias e altas pola tarde na metade sur, e néboas costeiras que entrarán polo litoral de Pontevedra na segunda metade da xornada. As temperaturas mínimas non experimentarán cambios, mentres que as máximas sufrirán un lixeiro descenso (30 graos). Os ventos soprarán moi frouxos e variables, agás no litoral da Coruña, onde haberá intervalos de nordés moderado.
O noso mar;Vento do sur á mañá, do sudoeste á tarde e do oeste á noite, forza 1 a 3 á mañá, 2 a 3 á tarde e 1 a 2 á noite. Mar ovellado. Visibilidade boa á mañá e regular á tarde e á noite. Mar de fondo do noroeste, con ondas de 0.5 a 1 metros.
