O Servizo de Xuventude do Concello de Rianxo impulsa esta tempada estival unha nova edición do seu Campamento Dixital, actividade de conciliación e formación dirixida a rapazada de 9 a 12 anos. Segundo veñen de confirmar dende o Concello, o prazo de inscricións estará aberto ata o 30 de xuño ou ata esgotar prazas. Quen precise máis datos ou facer inscricións pode visitar a web municipal.
O seu obxectivo é formar a nenos, nenas e adolescentes en competencias dixitais, “garantindo así a súa inclusión tecnolóxica e impulsando a mellora dos seus coñecementos e habilitades en materia de seguridade informática e bo uso das redes e dos dispositivos”. Ao mesmo tempo, achéganselles nocións prácticas de utilidade que lles axuden a ter navegación seguras, útiles e proveitosas para a súa formación.
A actividade desenvolverase en dúas quendas, do 4 ao 14 de agosto ou do 18 ao 29 de agosto, en horario de 10.30 a 13.30 horas, no Auditorio de Rianxo.
O campamento será gratuíto e terá unha duración de 15 días.
