A asemblea local da Asociación Española Contra o Cancro (AECC), en colaboración co Concello, celebra o vindeiro domingo 22 de xuño a súa andaina solidaria Boiro, en marcha contra o cancro. A iniciativa dará comezo ás 11.00 e estenderase até a hora do xantar, con saída na praza de Galicia (Boiro), fronte ao Concello. As inscricións pódense facer antes do 19 de xuño ás 23.30 horas (na Oficina de Turismo de Boiro, en Ortopedia Ana Torrente, en Galerías Sargadelos e en Modas Naty). O percorrido sairá do centro da vila e pasará polo paseo marítimo e o esteiro do río Coroño para logo volver á praza de Galicia. Todo o recadado irá destinado a fortalecer a investigación e a loita contra o cancro.
