A deportista Rita Carolina Fernández, reputada culturista de Ribeira, foi atopada morta no seu domicilio de Ribeira durante a noite deste xoves 12 de xuño. Carolina, de 49 anos, tiña ás súas costas un destacado currículo no culturismo de elite e profesional.
Segundo avanzaron as primeiras investigacións, todo apuntaría a unha morte por causas naturais.
O corpo sen vida de Carolina foi atopado pola súa filla, que decontado deu aviso ao 112, e no lugar personificáronse axentes da Policía Local e Nacional, ademais dun facultativo médico do PAC local, quen certificou oficialmente o pasamento da deportista.
O alcalde de Ribeira, Luís Pérez Barral, comunicou o seu pesar e o do Concello pola triste nova e salientou a exemplar carreira deportiva da culturista de Santa Uxía.
