Os bombeiros do Parque Provincial de Boiro interviñeron na tarde deste xoves 12 de xuño nun accidente de tráfico cun feridos no punto quilométrico 16 da AG-11, sentido Padrón, no concello de Rianxo.
O aviso deuse ás 15:37 horas, indicando que había persoas atrapadas polo que tamén se mobilizou ao parque provincial de Ribeira por se era necesaria a súa actuación.
Xa no lugar dos feitos, os profesionais de Boiro viron que a persoa e única ocupante do turismo non estaba atrapada, polo que non foi precisa a intervención dos bombeiros de Ribeira. No operativo participaron Policía Local e Protección Civil de Rianxo, ademais dos responsables de mantemento da AG-11.
