Durante este verán a rapazada de Porto do Son poderá desfrutar da Ludoteca de Verán, dirixida a nenos e nenas de 3 a 12 anos (nados/as entre 2013 e 2021). Trátase dun espazo socio-educativo de conciliación familiar no que os nenos e nenas apuntados poderán aprender a través de xogos populares, cooperativos e deportivos, guiados por monitores.
Esta iniciativa terá lugar do 30 de xuño ao 11 de xullo e do 18 ao 29 de agosto. Realizarase de luns a venres, en horario de 09:30 a 14:00 horas.
A proposta está dirixida para nenos/as empadroados no Concello de Porto do Son e darase prioridade (por orde de rexistro de entrada) a se os dous pais/nais traballan ou en segundo grado se a nai ou pai traballa, co obxectivo de favorecer a conciliación.
As prazas son limitadas e as inscricións poderán realizarse do 16 ao 20 de xuño (ou ata rematar prazas) no rexistro municipal ou a través da sede electrónica do Concello.
As persoas interesadas tamén poderán obter máis información na Oficina de Deportes ou no teléfono 981 767 589.
“O noso obxectivo é ofrecer unha posibilidade de conciliación familiar na época estival e, ao mesmo tempo, ofertar un espazo de lecer e aprendizaxe, onde a rapazada continúe formándose e asentando os seus coñecementos en ámbitos como o ambiental, cultural ou deportivo”, indicou o alcalde, Luis Oujo.
