A Plataforma Stop Deshaucios Barbanza emitiu un comunicado no que alerta nun novo caso de familia en risco habitacional Segundo fai saber a plataforma, trataríase dunha familia monoparental de Ribeira en situación de vulnerabilidade, que asinou recentemente un contrato de arrendamento con Altamira Santander Real Está (antiga Aliseda Real Está) baixo o formato de alugueiro solidario co obxectivo de continuar residindo na vivenda por un prazo dun ano, prorrogábel até un máximo de seis.
O fogar, constituído por unha persoa en idade avanzada, subscribira inicialmente un contrato de arrendamento co Banco Santander, posteriormente con Aliseda e agora continúa na vivenda coa empresa Altamira Santander. A vivenda atópase na zona de praza de España de Ribeira e, segundo lembran dende Stop Deshaucios, é “aí onde Aliseda procedeu hai uns meses a desafiuzar a varias familias e a outras, en situación de vulnerabilidade, non tivo máis remedio que prorrogar os seus contratos de arrendamento, ao ser ungran tenedor”.
Por outra banda, a Plataforma Stop Desafiuzamentos recoñeceu ter observado como na comarca do Barbanza segue a perpetuarse unha falta de vivendas postas no mercado para residencia habitual. “É o momento”, indican, “de que os diferentes Concellos tomen as medidas oportunas, dentro das súas competencias ou ben instando á Xunta de Galicia para que cumpra coa Lei de Vivenda e encare e afronte o problema do excesivo número de vivendas baleiras, outras destinadas ao alugueiro turístico así como a limitación dos prezos ou os topes ao alugueiro”.
