Outro verán máis, o Concello de Porto do Son pon en marcha a iniciativa Movida Urbana: os campamentos de verán de conciliación e de lecer dirixidos á rapazada de entre 3 a 12 anos (nados/as entre 2013 e 2021).
A axenda de actividades desenvolverase entre o 14 de xullo e o 14 de agosto, de luns a venres en horario de 10:00 a 14:00 horas, e levaranse a cabo en 3 localizacións: Porto do Son, Portosín e Xuño.
As familias interesadas poderán anotarse no campamento completo ou na quenda que prefiran: a primeira quenda do 14 de xullo ao 1 de agosto e a segunda quenda do 4 ao 14 de agosto.
O formulario de inscrición xa está dispoñíbel para descargar na web municipal e o prazo para anotarse estará aberto do 5 ao 18 de xuño, a través do rexistro municipal ou da sede electrónica.
O campamento completo (14 xullo ao 14 de agosto) ten un custo de 125 euros; a primeira quenda (14 xullo ao 1 de agosto) de 75 euros; e a segunda quenda (4 agosto e 14 agosto) de 50 euros. Haberá bonificacións para segundos irmás, familia numerosa ou persoas usuarias do servizo de Educación e Apoio Familiar do Concello.
As persoas interesadas poderán obter máis información na Oficina de Deportes ou no teléfono 981 767 589.
