Este sábado 24 de maio celebrouse en Santa Uxía o sorteo presencial da campaña Enlaza Ribeira. Os Lazos do Comercio Local, unha iniciativa promovida pola Asociación de Empresarios de Ribeira para “dinamizar o comercio local e premiar a fidelidade dos consumidores”.
En total, sorteáronse 1.000 euros en vales de compra, distribuídos en premios de 200, 150, 100 e 50 euros, que poderán ser utilizados nos establecementos adheridos á asociación.
Os vales foron repartidos entre 12 clientas do comercio local, quen resultaron agraciadas tras participar nesta campaña, que ten como obxectivo principal reforzar os lazos entre o pequeno comercio e os clientes.
A Asociación de Empresarios de Ribeira agradeceu a participación de todas as persoas consumidoras e animou a “seguir apostando polo comercio de proximidade, un piar fundamental para a economía e o dinamismo social do municipio”.
Esta campaña estivo co-financiada pola Xunta de Galicia.
