Este venres 23 de maio celebrouse en Ribeira o acto de entrega de premios do máis coñecido concurso entre a poboación escolar, 33
anos de Concurso da Letras Galegas. Todos os centros de ensino primario de Ribeira estiveron convidados ao acto. Até 500 nenos e nenas co seu profesorado asistiron á representación da obra de Paula Carballeira, Castelao, e logo de gozaren coas historias da nenez do rianxeiro seguiu o acto.
Unhas pequenas cantareiras do CEIP O Grupo aprendéronnos o retrouso de Palmira, e cantaron coma ninguén pode facer mellor e máis aínda nesta
conmemoración da Letras Galegas. Despois o alcalde, Luís Pérez Barral, acompañado das concelleiras de Cultura, Antía Alberte, e de Educación Cruz Rivadulla, foron entregando os premios en prosa, poesía e banda deseña, ata 18 galardoados e galardoadas.
