O Parque Provincial de Boiro recibiu aviso esta madrugada por un incendio nun alpendre no lugar de Ponte de San Francisco, no Concello de Noia.
O lume afectaba a un pequeno pendello cunha lareira e leña almacenada no interior. As lapas chegaron a propagarse ao tellado que compartía co pórtico da vivenda.
Os bombeiros procederon á extinción do lume e á retirada do material combustíbel para a súa refrixeración. A intervención completouse coa comprobación da extinción total do incendio. Non se rexistraron danos persoais.
No lugar tamén estiveron efectivos da Garda Civil.
