A Asociación Francisco Lorenzo Mariño de Aguiño compartiu a súa axenda para celebrar o Día das Letras Galegas, o vindeiro 17 de maio, adicado como lembraremos ás cantareiras e á nosa tradición musical e oral.
Os detalles do programa, organizado pola Asociación, foron dados a coñecer este xoves 8 de maio no Conservatorio de Aguiño. Participaron Rosa e Pili Millet, Carmen e Teruca Sampedro, Elvira Pisos (presidenta), Josefa Suárez, Unai González, José Luis Paz e Moncha Sampedro. As actividades previstas terán lugar no Conservatorio de Aguiño. Para organizar os actos, a asociación contou coa colaboración das áreas de Cultura do Concello de Ribeira e da Deputación da Coruña, así como de varias empresas como CONGRESA, Farmacia Aguiño, Digar de artes, Fabri Barbanza, Combustibles Puebla ou Fripusa.
Programa de actividades
16:30 Inchábeis, xogos, animación, música e refrescos/auga.
17:00 Xornada debuxo alusivo ás cantareiras e Letras Galegas con agasallo para todos os participantes e exposición dos debuxos realizados. Sorteo de lotes de libros en galego, de literatura infantil e xuvenil, entre todos os participantes na xornada de debuxo.
19:00 h Actuación das cantareiras e pandeireteiras de Bailadela.
19:30 h Espectáculo de circo e malabares de Kote Malabar.
