A Comisión de Festas de Exipto celebra este sábado 11 de maio unha foliada tradicional na contorna do Centro Social de Abanqueiro. A concelleira de Cultura, María Outeiral, participou na presentación xunto con Rita Rodríguez e outros membros da comisión.
As actividades comezan ás 19.30 horas cun serán tradicional que contará coa participación de Xilbarbeira, Ar de Loureda, Vai de Roda, Estóupele, os de Abanqueiro, A Dorniña e Os da Boina.
“Van participar preto de 100 músicos de grupos locais e convidados. É unha actividade que tivo moito éxito o ano pasado e agardamos que se repita este ano”, afirmou Rita.
Ademais do serán tradicional, para o fin de festa contarán con DJ Maruxa e Coralia, que será a partir das 24h, e tamén contarán con degustación de bocadillo de luras. A concelleira de cultura, María Outeiral, agradeceu a implicación para “continuar con esta festa que pon en valor a nosa tradición coa participación de grupos locais e o mestura con novas propostas”.
