Sanidade licita por case 195.000 euros o mantemento de equipos de imaxe médica avanzada en Santiago e Barbanza

29 Abril 2025

A Xunta de Galicia, a través do Servizo Galego de Saúde (Sergas), vén de publicar no Portal de Contratos Públicos a licitación do servizo de mantemento integral de equipamento de alta tecnoloxía médica da marca Ziehm Imaging na área sanitaria de Santiago de Compostela e Barbanza. O contrato está valorado en 194.818 euros.

Trátase do mantemento de arcos cirúrxicos, dispositivos de imaxe médica de última xeración fundamentais para a realización de procedementos intervencionistas e cirúrxicos en especialidades como a cardioloxía, a cirurxía vascular ou a traumatoloxía. Estes equipos permiten obter imaxes en tempo real cun alto nivel de precisión, algo esencial para garantir a seguridade e a eficiencia nas intervencións.

O Sergas destaca que este servizo permitirá minimizar o risco de avarías e interrupcións inesperadas, asegurando a plena operatividade dos quirófanos e salas intervencionistas. Ademais, contribuirá a prolongar a vida útil dos equipos e manter a súa actualización tecnolóxica, garantindo así un rendemento óptimo.

O contrato ten unha duración inicial prevista de 24 meses e poderá ser prorrogado anualmente ata un máximo de 36 meses adicionais.

As empresas interesadas en participar neste procedemento de licitación teñen de prazo ata o 26 de maio para presentar as súas ofertas.

Outros artigos

Publicidade

Revista en papel

Opinión

“La protesta de los estudiantes franceses”. José Castro López

“La protesta de los estudiantes franceses”. José Castro López

Francia convive cada cierto tiempo con pequeñas revoluciones o estallidos sociales que,aunque comparten escenarios, responden a causas diferentes. Recuerden la revoluciónde Mayo 68 de la que Daniel Cohn-Bendit, uno de sus líderes, dice que entonces losjóvenes eran...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.