O parque provincial de Boiro levou a cabo nas últimas xornadas diversas intervencións no seu ámbito de actuación. Realizáronse dous rescates de persoas atrapadas en ascensores no municipio de Boiro, así como unha intervención nun incendio nun aparcadoiro en Rianxo.
Atendéronse tamén un incendio de vehículo en Boiro que acabou propagándose a unha masa forestal próxima e un accidente de tráfico na AG-11, tamén no termo municipal de Rianxo. En Boiro, interveuse ademais no anegamento dun edificio, e en Ribeira nun accidente de tráfico con persoas atrapadas. Por último, tamén se actuou nun incendio nas instalacións da Casa do Mar de Rianxo.
