O Centro Arqueolóxico do Barbanza organizou un Obradoiro de Lapiseiros prehistóricos, unha actividade destinada a rapazada de entre 6 e 14 anos que se desenvolverá o sábado 10 de maio ás 11.30 e 17.30 horas.
Durante a sesión a rapazada aprenderá sobre os inicios da agricultura e a gandaría e diferentes técnicas de decoración da cerámica prehistórica. Ademais, terá oportunidade de realizar un lapiseiro de barro, inspirándose nas decoración características da época, para levar de recordo da actividade.
O número de prazas para participar é limitado. As inscricións están abertas e poden facerse na web do centroarqueoloxicodobarbanza.org.
